Má fólk ekki vera það sjálft í friði.

Rosalega er ég orðinn pirraður á því að fólk hérna á Íslandi þurfi alltaf að dæma af útlitinu, má fólk ekki hafa sinn stíl í friði, án þess að þetta lið þurfi að snúa sér úr hálsliðnum og pískra og benda í hvert einasta helvítis skipti sem að þessir aðilar láta sjá sig á almannafæri.

Þetta fólk sem hefur hugrekkið í það að vera það sjálft, fær svo mikla virðingu frá mér, frekar en gráu sauðirnir sem elta allt og alla og copera næsta mann hægri vinstri. Þetta kallast ´stereo týpur´sem stíga aldrei fyrir utan þægindarammann og voga sér ekki að kaupa sér eitthvað eða klæðast einhverju nema að vera búin að sjá einhverja ákveðna prósentu sem er eins, og það er ekki fyrr en þá sem það tekur skrefið, very brave, verða að passa mig, er svo hræddur við þetta lið, þetta er þvílikt yfirþyrmandi, held ég fari bara heim að grenja!! Rosalega vorkenni ég fólki sem er inní þessari skel og gerir ekki annað en að setja út á allt og alla, þetta er ekki flókin sálfræði, minnimáttarkennd og óöryggi kraumar undir niðri og þetta er þeirra leið til að upphefja sjálfan sig með því að láta öðrum líða illa og setja út á það, þvílíka torfbæjar attitude-ið, ég vil kalla þetta kjamma.

Í guðanna bænum pakkaðu niður gráu fötunum þínum og prófaðu að búa í öðru landi í svona, hmm kannski 1-2 ár og lærðu að bera virðingu fyrir náunganum, hrósa og bjóða góðann daginn og ekki DÆMA, líttu frekar í eigin barm og hafðu áhyggjur af því.

Ég var þess heiðurs aðnjótandi að taka viðtal við fremsta hattagerðameistara heims, hann Stephen Jones en hann hefur unnið við hliðina á John Galliano til fjölda ára og hefur hann virðingu ALLRA í tískubransanum og hefur hann einnig hannað fyrir allar stórstjörnur heims, við vorum einmitt að tala um svona mál, og talandi um hatta, ef einhver vogar sér að vera með hatt hérna á Íslandi þá er hann sá sami talin(n) eitthvað skrítinn í hausnum yfirleitt(pathetic), en hann Stephen sem fæddist í London talaði einmitt um það hvað honum þótti vænt um borgina sína, þar sem að jakkafatamaðurinn bæri mikla virðingu fyrir pönkaranum og svo öfugt (mutual respect), mér fannst þetta góður punktur og er klárlega eitthvað sem íslendingar ættu að hugsa aðeins um, orðinn hryllilega pirraður á þessu viðmóti og smáborgarahætti. Íslendingar, grafið ykkur uppúr torfbæjunum og fangið 2011, klippiði kjammaneglurnar og farið að hugsa sjálfstætt í eitt skipti fyrir öll.

Takk fyrir mig.

Ásgeir.